LaMontagne & Pico Amperio – Algo que sinalar

Formato CD

LaMontagne & PicoAmperio: sons futuristas e tecnolóxicos que traen a tradición de volta ao presente a través de bases de trip hop, moito flow e tintes de contracultura.

Alí onde se fusionen a vangarda e a tradición atlántica estará sempre o punto de encontro deste dúo, capaz de establecer pontes coa tradición traéndoa de volta ao presente a través de sons futuristas e tecnolóxicos.

Conseguindo coa voz de LaMontagne e os loops de PicoAmperio que a xente se teletransporte a un universo híbrido, único, hipnótico e absolutamente magnético, a banda presenta no seu primeiro disco, “Algo que sinalar”, unha aventura libre de ataduras. A xeito de matrioska, o público atopará nel cancións con moitas capas que se abrirán antes os seus ollos: rebeldes na estrutura pero nas que se pode ver unha parte intimista, tintes de dozura e alegría, moita enerxía e tamén un pouco de melancolía.

Temas como a búsqueda da identidade (“Eu vexo”), a celebración do comezo dunha nova aventura (“Avelaneiras Floridash”), a importancia do aprendido polo camiño antes de chegar a un obxectivo final (“Porque no mundo”), a tristeza infinita (“Ondas do mar de Vigo”), ou o agradecemento á vida (“40TENA”) son algunhas das sensacións a experimentar e paradas que se poderán facer neste primeiro traballo da banda, que se compón de oito cancións compostas e producidas por LaMontagne & PicoAmperio.

Son auténtico trip hop pasado por unha forte impronta urbana e contemporánea. O eterno loop do son atlántico.

TEMAS

1. Eu vexo
2. Avelaneiras Frolidash
3. Banharemonos nas Ondas
4. Porque no Mundo
5. Ondas do Mar de Vigo
6. Senhora do Almortão
7. Pola costa vella
8. 40TENA