As Efémeras – As Efémeras

Formato CD

As EFÉMERAS é o grupo de música galega de moda. Naceron en Redondela a finais de 2019 e a súa presentación ao público no verán de 2020 foi tan exitosa que decidiron gravar un disco, que agora presentan e que promete ser un suceso na música galega.

As EFÉMERAS fan música para escoitar, danzar e reflexionar. Música comunitaria. Inspiración poética e política de quilómetro cero: desde Redondela para o mundo.Letras de intelixencia racional e emocional. Composicións novas e frescas con inspiración nas músicas populares. De Galiza, de Portugal, de Europa, de América. Musicas lixeiras e contundentes. Letras propias que dan que pensar.

As EFÉMERAS son artistas e activistas culturais de Redondela, comprometidos coa ecoloxía, a cultura e a fala do país. E, aínda que o ideal é escoitalas ao vivo, o seu primeiro disco é un coidado traballo, gravado e mesturado por José Manuel Díaz, e que conta con colaboracións de envergadura dentro da música galega como Ugia Pedreira, Tatán ou Alberto Vilas.

1. FOMOS NAMORARE
2. ESTRELAFURANCHIN
3. ROSALÍA, TAN AMIGA
4. AÍ VAI O TORIO
5. CORAZÓN DE CALCETÍN
6. RANCHEIRA PA SOBREVIVIR
7. ROCK RESIDENTE RESILIENTE
8. CHORA O MAR
9. AS TUAS MANS
10. IMPRUDENCIA
11. NO LÍBANO
12. ONDE RAIO
13. VERDE